Zara meri nazar se dekho to….

Suraj chamakta dikhe us shikhar pe
Jo him ka aanchal odhe rehte the
Mil jate hai jal ki dhara me pighalkr
Jo aksar apne me aithe rehte the
Vrikshon pe jami wo aus thandi si
Boond bankar patton se fisli thi
Meghon ka anchal aasman se guzra
Jiski chhavi nadiya me chhalki thi
Kohra chhatt gya fizaon se fir
Jo karta nazron ko dhundhla tha
Jhoomte gaate khushi manaate
Kaafila panchi pakheru ka nikla tha
Phool bhi apni palke bichhaye
Raahon pe uss rahi k intezar me the
Jinke kadam uss ghar me padte
Jiske darwaze dastak ki taak me the
Sunehari subah thi wo uss jahan me
Khushiyon ka taana baana bunlo to
Mehsoos mujh jesa hoga tume bhi
Zara meri nazar se dekho to…..

By : Divya