Saanjh.. ..

Saanjh hote hi udd gye sab saathi mere

Uss daal par bas mai hi akela reh gya

Theek uss sookhe patte ki tarah

Jo mausam k saare sitam seh gya

Sab laut gye apne Anmol aashiyane ki aur

Mai ek banzaara sa kuch der thehar gya

Socha na tha haale dil Bayan karunga kabhi

Par anjaane me bin kuch kahe sab keh gya

Jo ekpl thehra mai uss taruvar ki chhaon me

Bitaayi wo saanjh uski komal baahon mein

Muskurahat se khil uthe mere ye honth jab

Hawa madhur geet sunati thi mere kaano me

Hoon mai wahi masoom panchi jo

Bheed me kahi peeche reh gya

Saanjh hote hi udd gye sab saathi mere

Uss daal par bas mai hi akela reh gya

 

By : Divya