Wo khatt jo usne likha tha…

Aaj na jane kyun haath lag gaya
Wo khatt jo usne likha tha..
Kuch yaadein fir taazi ho gyi
Chehre pe muskaan k indradhanush khil gye
Achanak se aankhon se moti b jharne laga
Shayad koi udaaseen pal apna ehsaas kra gya
Shabd chamak rhe the roshan sitaaron se
Jinki timtimahat sukoon sa jagati thi
Gujre pal yaad aa gaye haseen najaaron ke jaise
Jo mere hone ka matlab mujhe batati thi
Laga jese is khatt ka milna koi ittefaq nahi
Behti hawaaon ne jaroor saajish koi kheli hai
Wrna jise bhool gya tha ek bura sapna samajhkr
Aaj yun haqiqat bankar saamne kyun aa gaya
Likha tha uss khatt me usne apni bhaawnaon ko
Jo kabhi wo jubaan se bayaan na kr pati thi
Piroye the shabdon ke moti panktiyon me usne
Jinhe wo aksar mujhe ishaaron se samjhati thi
M laut jaunga unn yaadon me fir ye na socha tha
Na jane aaj kyun haath lag gaya wo khatt jo usne likha tha..

By : Divya