Unn sunsaan raahon par….

Mai dhoondhta hun kisi apne ko
Unn sunsaan raahon par
Jahan lagte to sab apne hai
Par khabar kisi ko kisi ki nahi
Yun anjaan bann jate hain
Jeewan ki sachhai se
Bigadte sanvarte haalaton se
Matlab kisi ko kisi se nahi
Kehne ko itni bheed hai magar
Paata hun khud ko khada akele hi
Ghire ho jab hum toofano mein
Hawayein bhi saath deti nahi
Pattiyon ki jharjhar geet bane
Gehre sannate me jo koi sune
Peeche mudkar dekha jab to
Nazar kuch bhi aaya nahi
Ehsaas hua akele hi chalna hai
Apne sapno ko saath liye
Dhundhla gyi hai ab nazrein bhi
Wo dhundte hue jo hai hi nahi
Yun socha akele chalte hue
Dil itna gam kyun karta hai
Kya koi jeena chhod deta hai
Jab ek khwaish poori hoti nahi
Haath koi bhale hi na thaame
Apna mujhe chahe na maane
Mai seekh gya hu aise jeena ab
Fikar mujhe kisi baat ki ab nahi
Nahi dhoondhta mai kisi apne ko
Unn sunsaan raahon par
Jahan lagte to sab apne hai
Par khabar kisi ko kisi ki nahi…

By : Divya