Umeed….
Har din ek nayi umeed liye sooraj aasmaan me aata hai
Roj naya ek maksad dekar haule se chhup jata hai
Phoolon pe uski pehli kiran sone si chamakti hai
Gaalon pe uski shaan ki gehri laali damakti hai
Thakta nahi hai ek din bhi aasmaan me roj dikhta hai
Waqt ki tapish me jalkar bhi muskurata milta hai
Uska dhadhakta tej uski umeed ki pehchaan hai
Mann ko kamjor krti hr cheez se wo anjaan hai
Baadlon se nikalkr sikhata hai karna saamna mushkil ka
Or kabhi unme chhipkar khel khelta hai aankh micholi ka
Sabr ki pariksha leta hai junooniyat se chamak kar
Or anjane hi maddham ho jata hai uss falak par
Bhanwro ki gungun ka sureela geet
mashhoor hua fizaaon mein
Sunehari kirney jalwe bikherti apni adhbudh adaaon mein
Jiski gairhaziri mein boondein rimjhim barsti hain
Uske haazir hote hi indradhanush mein badalti hain
Har din ek nayi umeed liye sooraj aasmaan me aata hai
Roj naya ek maksad dekar haule se chhup jata hai..

By : Divya